Првомајски протест

“Работниците не се робје”, “ Да го ослободиме штрајкот”,” Ден на отпор не на одмор”,”Новинари заедно за своите права”. Со овие транспаренти во рацете и со извици “Социјална правда” неколку стотини граѓани во Скопје со протест го обележаа 1 мај, меѓународниот ден на работниците.

Протестот почна со собирот во Жена парк, од каде поворката продолжи пред Собранието на Македонија, Министреството за труд и социјална политика, Владата и завршија на скопскиот плоштад.

„Нашите работници во денешни услови работат во услови како во 1886 година, кога и се случи првичниот протест. Се враќаме со изворен синдикализам и нашите барања ќе најдеме начин да ги наметнеме. Ова веќе не може поинаку“,рече Тама Чаусидис, претседателка на Синдикатот на новинари и медиумски работници.

Претседателот на Конфедерацијата на независни синдикати Маријан Ристески побара од Министерството за труд и социјалана политика да погледне колку луѓе работат дури и на денот на нивниот празник.

Здравко Савески од левичарското движење Солидарност смета дека во услови на нарушени права на работниците, празникот треба да се обдбележи единствено преку протест.

 

– Бараме да се почитуваат работничките права, да се знае од колку до колку е работното време. Ако нашата Влада не ги слушне нашите барања ние нема да чекаме нареден 1 мај за да излеземе на претести, туку ќе излеземе во поголем број на улица и повторно ќе протестираме- рече Савески.

Пред зградата на македонската Влада претседателот на Синдикатот на македонската дипломатска служба Сашко Тодоровски направи споредба за состојбите во Македонија и во Европа.

-За само два дена работа во Германија се зема цела плата колку што работи еден работник во Макединија. Затоа младите заминуваат од државата, што е нормално, кој би сакал да работи во вакви лоши услови- рече Тодоровски .

Протестот го организираа Самостојниот синдикат на новинари и медиумски работници (ССНМ), Синдикатот на македонската дипломатска служба (СМДС), Синдикат на работниците од управата, правосудните органи и здруженијата на граѓани (УПОЗ), Левичарското движење „Солидарност“, Движењето за социјална правда „Ленка“ и Конфедерацијата на синдикалните организации на Македонија (КСОМ). Овие организации се потписници на Повелбата за солидарност на синдикати и здруженија за заштита на работнички права.

 

 

 

 

Comments

Leave a Reply

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>