Во прекрасен амбиент и со пригодна забава во Театарот за деца и младинци во Скопје, Самостојниот синдикат на новинари и медиумски работници им додели пакетчиња на најмалите членови на семејствата на своите приврзаници.

Децата на членовите на ССНМ имаа можност да ја проследат популарната претстава „Црвенкапа“, а потоа во духот на празничната атмосфера Дедо Мраз им ги додели подароците на педесетина млади посетители на реномираната театарска куќа.

Хепенингот на кој беа најголем дел од најмладите од семејствата на колегите се движеше од полна концентрација и тишина при изведбата на сказната на Браќата Грим, и исчекување, но и џагор во забавната зона и крај елката каде што Дедо Мраз ги доделуваше подароците што севкупно создаде извонредна вечер во Театарот за деца и младинци.