Самостојниот синдикат на новинари и медиумски работници (ССНМ) постигна договор со Националната установа Турски театар – Скопје за соработка која предвидува гратис билети за членовите на ССНМ.

Соработката започнува од оваа сезона и ќе им овозможи на колегите новинари и медиумски работници да ги проследат настапите на исклучително талентираниот актерски ансамбл кој на репертоарот изведува познати дела од престижни класични и современи автори поставени на сцената од врвни режисерски имиња.

Турскиот театар преку видеобим со превод на македонски јазик нуди можност за следење на претставите за оние кои не зборуваат турски јазик, правејќи го атрактивен за пошироката театарска публика во Македонија.