Билтени

장화홍련 다운로드

Билтен бр. 38July 2020

Во оваа публикација на ССНМ ја обработуваме темата „Медиумите во време на пандемијата“. Главниот текст на оваа тема се однесува на државната помош за медиумите и нејзиното влијание. Пренесуваме и анализа за важноста на локалните вести во време на пандемија, потребата од нови бизнис модели во новинарството и други текстови и анализи за новинарската професија.
Билтен бр. 37December 2019

Во оваа публикација на ССНМ ја обработуваме темата „Регулација наспроти саморегулација“. Главниот текст на оваа тема се однесува на анализа на ставовите на луѓето од новинарската фела за саморегулацијата или регулацијата пред се на интернет просторот. Ја реобјавуваме „Повелбата на Европската федерација на новинари за условите за работа на новинарите“, на која потписник е ССНМ. Пренесуваме и совети за слободните новинари, како и анализа за падот на слободата на интернет.
Билтен бр. 36November 2019

Во оваа публикација на ССНМ ја обработуваме темата „Законски регулативи за борба против дезинформациите – компаративни искуства“. Главниот текст е споредба на правната регулатива во Германија и во Франција во борбата против дезинформациите. Пренесуваме и дел од кампањата за 2-ри ноември Меѓународниот ден за прекин на неказнивоста на злосторствата врз новинарите, преглед на условите во кои работат новинарките во Европа и во светот, како и за тековните процеси во финансирањето на медиумите.
Билтен бр. 35October 2019

Во овој број на публикацијата на ССНМ, Новинарството како јавно добро ја обработуваме темата за регулација или само-регулација на новинарската професија. Во главната анализа го прашуваме „Од хаос до одговорност: Кој треба да акредитира новинари? Понатаму пренесуваме анализа за шемите на троловите на социјалните мрежи за манипулирање не само на корисниците на тие мрежи туку и на новинарите, текст за иновативни начини за известување во случајов користење на мемиња и многу други анализи и информации.
Билтен бр.34June 2019

Во овој број на публикацијата на ССНМ, Новинарството како јавно добро ја обработуваме темата за насилство врз новинарите и медиумските работници во Македонија. Објавуваме интервјуа со новинарка и снимател кои се соочиле со напади и закани. Тие зборуваат за последиците кои ги трпат како лично така и врз нивната работа. Пренесуваме како е да се биде новинар во едно од најопасните општества во светот – мексиканското и други анализи и препораки.
Билтен бр. 33May 2019

Во овој број на публикацијата на ССНМ, Новинарството како јавно добро ја обработуваме темата за работните права и услови за работа на новинарите и медиумските работници во локалните и регионалните медиуми во Македонија. Пренесуваме и дел од светските искуство за падот и новонастанатите услови на функционирање на локалните медиуми, како и поглед кон трансформацијата на печатените медиуми во дигиталното доба.