Алатки за онлајн вознемирување, дискриминација и родово базирано насилство

Водич на Глобалната истражувачка новинарска мрежа (ГИНМ) за вмрежување на новинарки

Професионалните мрежи можат да бидат одлични ресурси за поддршка од колеги, за менторство, за соработка и за контакти. Затоа е изготвен список на регионални и на глобални мрежи кои се специјално наменети за новинарки ширум светот

Безбедноста е нешто за што се грижат сите новинари, но жените се соочуваат со дополнителни закани со родово базирано насилство, вознемирување, дискриминација во редакцијата и на терен и непропорционални онлајн напади

Дискриминацијата и вознемирувањето на работното место се вообичаени проблеми што ги мачат многу индустрии, вклучително и новинарството. Дискриминацијата на платите е глобална

Според неодамнешен извештај на Советот за надворешни односи, 18 земји сè уште бараат од жените да имаат дозвола за работа од нивниот сопруг, 59 не обезбедуваат правна заштита од сексуално вознемирување на работното место и 104 ги ограничуваат видовите на работни места што можат да ги извршуваат жените

Жените новинарки често се соочуваат со уникатни предизвици додека ги извршуваат своите професионални обврски. Глобалната истражувачка новинарска мрежа (ГИНМ) собра ресурси за да им помогне на колешките ширум светот да најдат мрежи, ресурси и алатки за справување со проблеми како онлајн вознемирување, дискриминација на работното место и родово засновано насилство. Тие, исто така, ќе им помогнат на новинарките за полесно да ги лоцираат можностите и да најдат поддршка наменета специјално за нив.

 Темите се:

– Мрежи (меѓународни и регионални)

– Безбедност

– Дискриминација и вознемирување

– Ментори

– Грантови и стипендии

– Награди

– Женски експерти

– Истражувачко новинарство

– Приказни од жени-идентификуваат истражувачки новинари (ново)

– Кариера (Ново)

Меѓународни мрежи

Професионалните мрежи можат да бидат одлични ресурси за поддршка од колеги, за менторство, за соработка и за контакти. Затоа е изготвен список на регионални и на глобални мрежи кои се специјално наменети за новинарки ширум светот.

„ГИНМ жени“ (GIJN Women) е онлајн група создадена од Глобалната мрежа за истражувачко новинарство (GIJN) за да разговара за прашања што се поврзани со жените во истражувачкото новинарство.

Лансирана во 2017 година, Коалицијата за жени во новинарството има за цел да поттикне „другарство меѓу новинарките ширум светот“, нудејќи ресурси, настани, застапување и менторство од искусни новинарки. Коалицијата има контакти во земјите низ Латинска Америка и Азија.

Меѓународната женска медиумска фондација (МЖМФ), со седиште во Вашингтон, е основана во 1990 година и денес обезбедува грантови и обуки, доделува неколку награди и организира патувања за новинарки од целиот свет за известување со фокус на недоволно пријавени приказни. Организацијата, исто така, има и Фонд за итни случаи и поддржува обука на новинарки.

Меѓународната асоцијација на жени во радио и ТВ медиуми (IAWRT) е глобална мрежа за жени кои работат во радиодифузни и електронски медиуми и присутна е во Авганистан, во Камерун, во Ирак-Курдистан, во Молдавија, во Норвешка, во Јужна Африка, во Уганда, во Камбоџа, во Индија, во Кенија, во Непал, на Филипини, во Танзанија и во САД. Асоцијацијата поддржува глобални проекти кои се фокусирани на жените и на медиумите, организира конференции и нуди можности за обука за професионални вештини.

„Жени фотографки“ (Women Photograph) е непрофитна организација која започна во 2017 година со мисија „да го промени составот на фоторепортерската заедница. Мрежата води директориум од 1.000 независни документарни фотографи од целиот свет кои се идентификуваат како женски и небинарни визуелни новинарки и спроведува кампањи за уредниците да вклучат повеќе фотографии направени од жени во објавите.

„Медиумски мајки“ е затворена група на Фејсбук со околу 1.000 членови. Обединува мајки новинари, како и мајки кои работат во редакции, во школите за новинарство и се присутни во деловната страна на медиумите. Нејзината мисија е „Се соочуваме со уникатни предизвици кои ги балансираат роковите и животот дома. Ова е простор за поддршка за споделување на приказни, на проблеми, на решенија и на виртуелни прегратки“.

Мрежи во Европа

Во Велика Британија, група новинарки во 2017 глодина го создадоа т.н. „Втор извор“ (The Second Source), како алтернативна професионална мрежа за жени, како и за справување со вознемирувањето во медиумите. Организацијата има за цел да ја промовира свеста, да ги информира жените за нивните права и да создаде промени во индустријата. Во 2018 година, „Вториот извор“ започна програма за менторство „наменета за жени кои започнуваат како професионални новинари, кои размислуваат да се откажат од индустријата или кои чувствуваат дека им треба повеќе насока“. Наменета е, не само да обезбеди совети за кариера, туку и совети за справување со предизвиците поврзани со работата.

„Жените во новинарството“ (WIJ) со седиште во Лондон е професионална мрежа на жени во медиумите во Велика Британија. WIJ оргханизира семинари и панели, спроведува истражувања, посредува во настани за вмрежување и има програма за менторство и за новите и за етаблираните новинарки.

„Да го земеме оној“ (Prenons la une) во Франција е здружение на новинарки кои се залагаат за правична застапеност на жените во медиумите и за професионална еднаквост во редакциите. Мрежата се состанува на неколку месеци и обезбедува поддршка за жените кои се соочуваат со дискриминација и вознемирување.

Во Германија, Синдикатот на новинари (Journalistinnenbund) е национална, меѓугенерациска мрежа од преку 400 жени кои работат во новинарството. Организацијата, која е основана во 1987 година, има регионални групи низ земјата и менторска програма за новите новинарки.

„Моќни девојки Шпанија“ (Chicas Poderosas Spain) беше лансирана во 2018 година на конференција на која присуствуваа 155 луѓе. Ова е спин-оф на група од Латинска Америка. Нејзината „закачалка“ на Твитер е @PoderosasES.

Безбедносни ресурси

Безбедноста е нешто за што се грижат сите новинари, но жените се соочуваат со дополнителни закани со родово базирано насилство, вознемирување, дискриминација во редакцијата и на терен и непропорционални онлајн напади.

Меѓународната асоцијација на жени во радио и ТВ медиуми објави Прирачник за безбедност за жени новинарки. Водичот е на 95 страници, наменет е за репортерки во конфликтните зони и вклучува делови за проценка на ризик, за онлајн вознемирување и за безбедност при патување.

Меѓународната женска медиумска фондација, пак, формираше Фонд за итни случаи за да им помогне на новинарките во правни и медицински случаи, како и за алокација на трошоците.

GIJN состави страница со безбедносни водичи и организации кои обезбедуваат помош за новинарите во опасност. Помошта се движи од медицинска и правна помош, до преселување на новинарот од земјата во која е загрозена неговата безбедност.

Европскиот центар за слобода на печатот и медиумите (ЕЦПМФ) отвори Центар за тревога во кој новинарките можат да пријават напади преку шифрирани пораки и да побараат помош. Пораките ќе бидат отворени од женскиот персонал во ЕЦПМФ, а извештаите се доверливи.

Меѓународната федерација на новинари (ИФЈ) во партнерство со Меѓународната организација на трудот работи на кампања за запирање на насилството врз новинарките. Ресурсите вклучуваат алатки, публикации и врски до релевантни политики. Од ИФЈ обезбедуваат поддршка и ресурси за директно решавање на проблемите и за притисок врз локалните власти за значајни промени. Во ноември 2019 година, ИФЈ започна со давање на насоки за колективна борба против „тролањето“ на жените новинарки на интернет.

Глобалната кампања Troll-Busters.com нуди „онлајн контрола на штетници за новинарите“, фокусирајќи се на жените и специјализирана е за идентификација, за ублажување и за известување за онлајн-закани и вознемирување. Тие, исто така, нудат ресурси и обука што се специфични за новинарките.

ПЕН Америка неодамна објави Прирачник за вознемирување преку интернет со практични алатки и тактики за одбрана од омраза и вознемирување. Прирачникот е опишан како „едношалтерски систем за совети, насоки и ресурси за сајбер-демантирање, за доксирање, за говор на омраза и други форми на дигитално вознемирување“. Покрај универзалните совети за „што да се прави“, ресурсот вклучува и информации за релевантните американски државни закони.

Кампањата Byte Back беше лансирана во 2016 година од МФН и партнерските организации во регионот на Азија-Пацификот за запирање на сајбер-малтретирањето и онлајн малтретирањето на новинарките. Кампањата обезбедува ресурси, тактики и поддршка за борба против вознемирувањето и „тролањето“ преку интернет.

„Пристапете сега до линијата за помош за дигитална безбедност“ бесплатно работи со поединци и организации ширум светот. Тие можат да помогнат во подобрување на практиките за дигитална безбедност и да обезбедат експресна помош во рок од два часа за итни случаи и тоа на англиски, на шпански, на француски, на германски, на португалски, на руски, на австронезискиот јазик Тагалог, на арапски и на италијански јазик.

Водичот за феминистичка сајбер безбедност „Направи сам“ ги опфаќа алатки за блокирање на алатките за онлајн следење, за заобиколување и анонимност, за одбрана од малициозен софтвер, за силни практики за авторизација, за приватност на социјалните медиуми, како и за шифрирање на уреди и комуникација.

„Зборувајте и останете безбедни (r): Водич за заштита од онлајн вознемирување опишува тактики за борба против доксингот, за приватноста на социјалните медиуми и платформите за игри, за практиките за разделување, за зајакнувањето на безбедноста на авторизација, за безбедноста на личната веб-локација, за приватноста на приватната електронска пошта и поврзани совети.

Алерта Махитрол“ (Alerta Machitroll) е кампања на шпански јазик во Колумбија што беше иницирана од „Фондација Карисма“ (Fundación Karisma) во 2015 година за борба против насилство врз жените во дигиталната средина. Групата обезбедува генератор на предупредувања и стратегии за самопомош за борба против вознемирувањето преку интернет со примеси на хумор.

Ресурсниот центар на „Краш Оуверајд Нетворк“ (Crash Override Network) наведува алатки, водичи и услуги што се корисни во случаи на злоупотреба на интернет, вклучително и доксирање и објавување на интимни фотографии без дозвола и заштита за лични податоци, лозинки и уреди.

„Онлајн СОС“ (Online SOS) е непрофитна организација која се фокусира на американските новинари кои се занимаваат со секаков вид на онлајн вознемирување и обезбедува бесплатна поддршка во врска со спроведување на законот, со правни лекови, со опции поврзани со вработување, со управување на случаи, со ескалации на платформи, препораки за експерти и тренинзи на кризи.

„Тејк Бек д Тех“ (Take Back the Tech) е глобална кампања за соработка чија цел е да преземе контрола врз технологијата за да се стави крај на насилството врз жените. Тие обезбедуваат помош на жртвите на вознемирување поврзано со технологија, комплети за дигитални безбедносни алатки за уреди и ресурси за права, грижа за себе и стратегии за преживеани. Тие, исто така, поддржуваат и помагаат во отпочнување на локални кампањи.

Ресурси за дискриминација и вознемирување

Дискриминацијата и вознемирувањето на работното место се вообичаени проблеми што ги мачат многу индустрии, вклучително и новинарството. Според неодамнешниот извештај на Советот за надворешни односи, 18 земји сè уште бараат од жените да имаат дозвола за работа од нивниот сопруг, 59 не обезбедуваат правна заштита од сексуално вознемирување на работното место и 104 ги ограничуваат видовите на работни места што можат да ги извршуваат жените. Дискриминацијата на платите е глобална. Подолу се дадени некои ресурси кои моментно се достапни за да помогнат во справување со родовата дискриминација и сексуалното вознемирување на работното место.

Жените во новинарството“ имаат развиено алатка за работодавачите и вработените да се справат и да го спречат сексуалното вознемирување во нивните медиумски организации, што е преведена на арапски, на шпански, на француски, на виетнамски, на бурмански и на руски јазик. Сетот алатки вклучува практичен водич, постери за подигнување на свеста, примероци на политики, анкети и шеми за комуникација. Организацијата, исто така, има различни ресурси за да им помогне на менаџерите да создадат подобри работни средини за жените. „Жени во новинарството“ работи во супсахарска Африка, Блискиот исток и Југоисточна Азија. Нивниот подкаст, The Backstory, ги истражува прашањата за женското лидерство во редакциите.

УНЕСКО и Меѓународниот центар за новинари (ICFJ) заедно објавија истражување за онлајн насилство врз новинарки. Анкетата, која важи за „најсеопфатната и географски најразновидна, е направена на тема онлајн насилство“ и со неа беа опфатени 714 новинарки од 113 земји.

Меѓународната федерација на новинари, чиј партнер е Меѓународната организација на трудот, работи на кампања за запирање на насилството врз новинарките. Ресурсите вклучуваат алатки, публикации и линкови до релевантни политики, вклучително и за родовиот јаз во платите. Федерацијата обезбедува поддршка и ресурси за директно решавање на проблемите, вклучително и вознемирување, и за притисок врз локалните власти за значајни промени.

Фондот за правна одбрана TIME’S UP во САД ги поврзува жените кои доживуваат сексуално вознемирување и одмазда на работното место со адвокати и специјалисти за медиуми.

„Прес Форвард“, со седиште во Вашингтон, има водич чекор-по-чекор за новинарките кои се сексуално малтретирани на работното место, но и други релевантни ресурси. Дизајнирани се според американските закони и политики, меѓутоа може да бидат корисни и на други место.

„Prenons la une“ во Франција е здружение на новинарки кои се залагаат за правична застапеност на жените во медиумите и професионална еднаквост во редакциите. Мрежата обезбедува поддршка за жените кои се соочуваат со дискриминација и малтретирање.

Бразилското здружение за истражувачко новинарство „Абраџи“ спроведе истражување за предизвиците со кои се соочуваат жените во индустријата на вести. Врз основа на наодите, Mulheres No Jornalismo Brasileiro наведува препораки за бразилските медиуми за справување со родовото вознемирување, дискриминација и насилство. Во 2018 година, 50 бразилски новинарки објавија и видео манифест против сексуалното вознемирување и дискриминација користејќи го хаштагот #DeixaElaTrabalhar на Фејсбук и Твитер. Фразата на хаштагот се преведува како „Нека работи“.

Cameroon Media Women започна како група на WhatsApp и со затворена страница на Фејсбук во 2018 година како одговор на движењето #MeToo. Со хаштагот #StopSexualHarassment237, кој се однесува на кодот на државата на Камерун, новинарки одржаа дискусија на Твитер и споделија видеа на кои разговараа за проблемите со кои се соочуваат во редакциите.

Движењето #MeToo остави белег во Азија. На панелот на GIJN на „Откривање на Азија 2018 година“, новинарките споделија приказни и совети за истражување и покривање на сексуалното вознемирување и напад во Кина и Јапонија.

„Вториот извор“ во Велика Британија беше формиран за справување со вознемирувањето во медиумите. Организацијата има за цел да ја промовира свеста, да ги информира жените за нивните права и да создаде промени во индустријата.

Една неодамнешна студија на Women in News насловена како „Стаклени тавани: Жените во јужноафриканските медиумски куќи“ ги идентификува вообичаените прашања на сексизмот во медиумските организации и дава препораки за нивно решавање.

Digital Women Leaders на новинарките им нуди бесплатно обучување еден-на-еден во времетраење од 30 минути, вклучително и за прашања како што се дискриминација на работното место, вознемирување и разлика во плати.

Проектот „Тотем“, во партнерство со Меѓународната медиумска фондација за жени (IWMF), создаде неколку онлајн курсеви за вознемирување на различни јазици.

 

Фото: Pexels

Сподели:

Share on facebook
Facebook
Share on twitter
Twitter
Share on linkedin
LinkedIn