Собирањето на информации за напис во весник е од витално значење, се разбира, но истото важи и за пишувањето на приказна. Најдобрите информации, кои се пласирани во премногу заплеткана конструкција, со користење на одредени зборови и густо пишување, може да бидат тешко разбирливи за читателите кои бараат брза исправка на вестите.

Постојат правила за пишување на вести кои резултираат со јасна, директна презентација и со обезбедување на ефективни и достапни информации за различни категории на читатели. Некои од овие правила се спротивни на она што можеби сте го научиле од англискиот Лид (Lede) – почеток на реченица или параграф на вест во кој се содржани најважните аспекти на сторијата.

Еве листа од 15 правила за новинарите почетници, врз основа на најчестите проблеми кои се јавуваат

Совети за пишување вести

– Општо земено Lede или вовед во приказната, треба да биде реченица од 35 до 45 зборови што ги сумира главните точки на сторијата, а не „чудовиште“ од седум реченици што изгледа како да е од роман на Џејн Остин.

– Lede треба да ја сумира приказната од почеток до крај. Значи, ако пишувате за пожар кој уништил зграда и оставил 18 луѓе без покрив над главата, тоа мора да биде во првата реченица. Пишувањето во стилот „Синоќа имаше пожар во зграда“ нема витални информации.

– Параграфите во вести генерално треба не треба да бидат повеќе од една до две реченици. Кратките пасуси полесно се „сечат“ кога уредниците работат во „тесни“ рокови и изгледаат помалку импозантно на страницата.

– Речениците треба да се одржуваат релативно кратки и секогаш кога е можно да се користи формулата предмет-глагол-објект. Конструкциите во спротивна насока се потешки за читање.

– Секогаш „исечете“ ги непотребните зборови. На пример, „Пожарникарите стигнаа до пожарот и успеаја да го изгаснат за околу 30 минути“, може да се скрати на „Пожарникарите го изгаснаа пожарот за 30 минути“.

– Не користете зборови што звучат комплицирано, кога тоа може да се направи поедноставно. Лацерација е расекотина, контузија е модринка; абразија е гребнатинка. Вестите треба да бидат разбирливи за секого.

– Не користете „јас“ во прво лице во вестите.

– Во стилот на „Асошиетед прес“, интерпункцијата, речиси, секогаш влегува во наводници. Пример: „Го уапсивме осомничениот“, рече детективот Џон Џонс. (Забележете го поставувањето на запирки.)

– Вестите најчесто се пишуваат во минато време.

– Избегнувајте да користите премногу придавки. Нема потреба да пишувате „вжештен пожар“ или „брутално убиство“. Знаеме дека оганот е жежок и дека убивање на некого е генерално прилично брутално. Тие придавки се непотребни.

– Не користете фрази како „за среќа, сите го избегнаа пожарот без повреди“. Очигледно е добро што луѓето не се повредени. Вашите читатели можат сами да го сфатат тоа.

– Никогаш не внесувајте ваше мислење во тешките вести. Зачувајте ги вашите мисли за рецензија или едиторијал.

– Кога за првпат кога ќе спомнете некого во приказна, користете го неговото целосно име и работно место доколку е применливо. Во сите последователни референци, користете го само презимето. Оттука, тоа би било „Поручникот Џејн Џонс“ кога првпат ќе ја спомнете во вашата приказна, но потоа ќе биде едноставно „Џонс“. Единствен исклучок е ако има две лица со исто презиме во вашата приказна, во тој случај можете да ги користите нивните целосни имиња. Новинарите генерално не користат почесни термини како „г-дин“. или „г-ѓа“ во стилот на Асошиејтед прес“. (Забележителен исклучок е Њујорк Тајмс.)

– Не повторувајте информации.

– Не ја заокружувајте приказната на крајот со повторување на веќе кажаното. Обидете се да најдете информации за заклучок што ќе ја унапреди приказната.

Извор: Grelane

Фото: Unplash

Оваа сторија е дел од публикацијата „Новинарството како јавно добро“, дел од проектот „Синдикатите за фер закрепнување“ финансиран од Европската Унија, а во партнерство со Европската федерација на новинари.Ставовите и коментарите во публикацијата се одговорност на ССНМ и не ги изразуваат ставовите и мислењата на Европската Унија и на Европската федерација на новинари.