Самостојниот синдикат на новинари и медиумски работници во рамките на проектот „Работнички права за независно новинарство“ спроведуван во партнерство со РЕСИС, а поддржан од Европската Унија отвора повик за експерти за придонес во развој на Повелба за работнички и професионални права во медиумите.

Сите заинтересирани кои ги исполнуваат условите во техничката спецификација може да се пријават на електронската пошта ssnm.info@gmail.com или лично во канцеларијата на ССНМ до 9 ноември 2024 година.

Повеќе информации за повикот и за условите може да се најдат во продолжение на овој текст, како и на линковите подолу.

Експертски придонес во развојот на повелбата за работнички и професионални права во медиумите

Еден од најважните чекори во заштитата на работничките и професионалните права на новинарите и медиумските работници е да се наведат сите основни/важни што треба да ги почитуваат сопствениците на медиумите во повелба која ќе служи како алатка за градење на консензус помеѓу ССНМ и релевантните медиумски организации во Македонија. Процесот на градење консензус околу Повелбата ќе го зајакне ССНМ како професионална членска организација за влијание врз развојот на работничките права во иднина. Ќе ја зајакне својата поврзаност со своите членови и ќе се претстави пред сопствениците и раководството на медиумите како обединета структура отворена за структуриран и уреден дијалог.

Општа цел на задачата

Целокупната цел на задачата што треба да ја изврши индивидуален експерт со долгогодишно искуство во работнички и професионални права поврзани со медиуми и новинари и медиумски работници е да даде кратко објаснување за потребата од изготвување Повелба за работнички и професионални права, да направи споредба со други слични повелби и да се прикаже адаптирана верзија на повелбата за условите во земјата како и да се укаже на средствата за ширење и застапување за прифаќање на Повелбата од различни засегнати страни.

(1) Опис на проблемот (краток опис на ситуацијата/позадина врз основа на истражувањата и анализите спроведени во првата година од ССНМ/РЕСИС и од претходните консултации и интеракција на претставниците на ССНМ со новинари и медиумски работници).
(2) Споредба со други повелби и слични документи кои послужиле како основа за подобрување на условите за работа во медиумите.
(3) Утврдување на Повелбата која ги опфаќа сите суштински права на новинарите и медиумските работници
(4) Механизми/алатки за застапување (идеи и предлози за можни механизми/алатки за застапување и/или преговарање за примена на предложените решенија во пракса).
(5) Референци (наведете ги документите користени при подготовката на анализата/придонесот)

Во зависност од проблемот/темата што се обработува, експертот може да ги измени насловите и содржината на овие точки. Покрај анализите и истражувачките студии на ССНМ и РЕСИС, експертот треба да наведе и други документи што ги користел при подготовката на анализата/повелбата.

Annex I ToR Experts for the SSNM Charter on Labour Rights
Annex II Declaration Letter Expert Charter Labour Rights
Annex III Financial Offer Expert Charter Labor Rights
Annex IV Evaluation Grid Expert Charter Labour Rights

Кандидатите, исто така, треба да достават кратка професионална биографија (CV).