Одговорот на МВР е циничен

just_look_do_not_speak_by_murme

Одговорот на МВР за инцидентот во Собранието е израз на цинична ароганција која е постојано присутна во дијалогот на институциите со новинарите . На дело е операција за релативизирање на инцидентот. Впрочем со таа цел е и одговорот на МВР – не станува збор за употреба или неупотреба на прекумерна сила, туку за постапка во која новинарите биле отстранети насилно од  своите работни места. Што се однесува до одговорноста- доколку полицијата реагирала на наредба на парламентарниот спикер – одговорноста мора таму да се адресира. Она што како медиумска заедница не смееме да  дозволиме е овој преседан да помине со префрлање на одговорноста и смешни изјави на жалење кое дури не е ниту извинување и да не дозволиме некој во наше име да го релативизира целиот инцидент. Синдикатот  тука нема дилеми , она што се случи на 24 декември е пример за суспендирањето на демократијата и медиумските слободи. Секој што ќе се обиде да го оправда или да му го намали значењето ја презема одговорноста да биде соучесник во газењето на елементарното право на професијата – да биде сведок на настани од јавен интерес.

Сподели:

Share on facebook
Facebook
Share on twitter
Twitter
Share on linkedin
LinkedIn