Самостојниот синдикат на новинари и медиумски работници ја изразува својата поддршка на Студентскиот пленум како автентичен изблик на студентско самоорганизирање и метода на директна акција, кои се во темелот на секое синдикално и активистичко движење.
ССНМ ги повикува своите членови, новинари и медиумски работници, својата солидарност со студентите да ја искажат со придржување кон професионалните принципи, одбивање на наметнатата пропаганда и борба против автоцензурата на која се принудени во своите редакции.